hh
تابلت

إيسر ايكونيا تاب A100

 

المميزات: صغير وسهل حمله. سعره معقول مقارنة بالـ tablets الـ 7 بوصة المنتشرة حاليًا، وفي نفس الوقت، أدائه مش أقل منهم في حاجة. بيتميز بإمكانية زيادة حجم ذاكرته.   

العيوب: حجمه الصغير بيخليه غير مناسب لمشاهدة الفيديوهات، ده بالإضافة لإن زوايا رؤية شاشته ضيقه مقارنة بالأجهزة الأخرى. وبالتالي، الـ tablets الـ 10 بوصة ممكن تبقى اختيار أفضل على الرغم من إنها نسبًيا أغلى. أحد أبرز عيوب الـA100  إن عمر بطاريته قصير جدًا.

الخلاصة: رخيص وبيقوم بكل الوظائف الأساسية وفيه شوية إضافات لطيفة كمان، فلو مش فارق معاك عُمر البطارية وجودة الرؤية، الـ tablet ده مناسب ليك.

 

تقييم ايسر ايكونيا تاب A100

الشكل و التصميم

الـ A100  متأثر شوية في شكله بتصاميم شركة Acer، حيث يشبه إلى حد كبير اللابتوب بس مصغر بالطبع. ده بالإضافه لإنه وارث كثير عن الـ A500 من حيث مكان الكاميرا الأمامية والشكل العام للجهاز اللي بيتميز بالخطوط الحادة مع انحناء بسيط عند الأركان. من ناحية ثانية، الـA100  له ملمس بلاستيك ردئ إلى حد ما، لا يقارن بالـ Blackberry Playbook اللي بيتميز بالشياكة على صعيد التصميم والخامة. الظهر لونه أسود وفي وسطه لوجو شركة Acer باللون الفضي وفوقه كاميرا 5MP وفلاش. التصميم يعتبر عادي، مش وحش ومش حلو. الـ A100 فيه زرار “Home” مشابه للي موجود في الـ iPad.

أحد مميزات الـA100  إن فيه مداخل كثير موجودة أسفل الجهاز: Micro-HDMI وMicro-USB ومدخل كهرباء ومدخل لتوصيله بأجهزة أخرى. علي ناحية الثانية من الجهاز (فوق، أو شمال لو انت ماسكه بالعرض) في زرار التشغيل ومدخل السماعات والميكروفون. الـA100  وزنه خفيف، فهو أخف وزنًا من معظم الأجهزة الأخرى: الـ A100 يزن حوالي 410 جرام في حين إن Blackberry Playbook يزن 425 جرام و HTC Flyer يزن 426 جرام. الجهاز الوحيد اللي أخف من الـA100  هو الـ Samsung Galaxy Tab 7.0 Plus، فوزنه حوالي 345 جرام، وهنعقد مقارنة شاملة بين الجهازين في الآخر.

image

image

الإمكانيات

الـ A100  مجهز ببروسيسور dual-core Nvidia Tegra 2  1GHzوRAM 1GB، بالإضافة إلى Wi-Fi وBlutooth 2.1 وجهاز قياس التسارع  وجهاز آخر لتحديد الاتجاهات و GPS. طبعًا كل هذه التطبيقات بتجعل من الـ A100 جهاز مثالي لهواة السفر والترحال. ومن أهم مميزات الـ A100 إنه مُجهز بكارت ذاكرةmicro-SD  واللي بيتيح للمستخدم إنه يزود ذاكرة الجهاز لـ 32GB. في كامرتين في الـ A100، واحدة 2MP أمامية للمحادثات المرئية، وواحدة 5MP خلفية. أكبر عيب في الـA100  هو البطارية اللي بتعتبر ضعيفة جدًا وعمرها قصير مقارنة بالأجهزة الأخرى.

بيعتمد الـ A100 على نظام تشغيل Android 3.2 Honeycomb اللي بيمتاز بمجموعة من التعديلات والإضافات الجديدة.

image

image

 الأداء

على الرغم من إمكانياته العاديه، الـ A100 سلس جدًا في الاستخدام، بل ممكن يصنف في نفس مستوى الـ tablets العشرة بوصة، ونظام تشغيل Android 3.2 بيساعد كثير علي رفع سرعة الجهاز بشكل عام. المشكلة في استخدام الـ A100 لنظام TN للعرض، وده نظام قديم وغير مستخدم حاليًا وبيؤدي لتضييق زوايا الرؤية وخفض الجودة. مشاهدة وتسجيل الفيديوهات كويسة ومافيهاش مشاكل، إلا إن جودة الصور وألوانها منخفضة على الرغم من وجود كاميرا 5MP، والموضوع ده بيبان جدًا عند المقارنة بـ Samsung Galaxy Tab 7.0 Plus.

زي ما وضحنا سابقًا، عمر البطارية قصير جدًا، بل يقارب الـ smartphones عند تشغيل الـ Wi-Fi ورفع بريق الشاشة لأقصى درجة.

مقارنة

مع إن في أجهزة عشرة بوصة أغلي من الـ A100 لكن أداءها أقوي، إلا إن العدل بيقتدي أن نقارن بجهاز آخر من فئة السبعة بوصة، عشان كده إخترنا الـ Samsung Galaxy Tab 7.0 Plus.

  

 

Samsung Galaxy Tab 7.0 Plus

Acer Iconia A100

الوزن

345 جرام

410 جرام

دعم البلوتوث (Bluetooth Support)

3.0

2.1

التخزين الداخلي

16GB

8GB

السمك

10 ملم

13 ملم

البروسيسور

1 GHz

1.2 Ghz

الكاميرا

3MP خلفية

5MP خلفية، 2MP أمامية

عمر البطارية

8 ساعات

6 ساعات

 

الخلاصة

رخيص وبيقوم بكل الوظائف الأساسية وفيه شوية إضافات لطيفة كمان، فلو مش فارق معاك عُمر البطارية وجودة الرؤية، الـ tablet ده مناسب ليك.

 

التعليقات

تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق