hh
تابلت

إيسر ايكونيا تاب A500

 

المميزات: الـ Acer Iconia Tab A500 مُجهز بنظام تشغيل Android Honeycomb (تقدر تعمل له تحديث لـ Android 4)، الشاشة حجمها كويس جدًا، الـ browser بيدعم الـ flash، فيه كاميرا أمامية وخلفية، و فتحات USB و HDMI، ده غير إن سعره يعتبر مناسب جدًا.

العيوب: الـ Acer Iconia Tab A500 سميك ويعتبر من أثقل الـ tablets اللى موجودة حاليًا، وساعات الفيديوهات اللى متخزنة على الجهاز نفسه بتعلّق لما تيجى تشغلها.

الخلاصة: الـ Acer Iconia Tab A500 جهاز سريع وقوى ومريح وسهل الاستعمال ومغرى جدًا لأن سعره حلو وأرخص كثير من باقى الـ tablets المتاحة،  لكن عشان ينافس الـ iPad مثلاً محتاج يبقى أرفع وأخف من كده لأن من أهم مميزات الـ tablets سهولة التنقل بيهم. لو الحجم مش فارق أوي معاك، الـAcer Iconia Tab A500  هيكون مناسب جدًا ليك. 

 

 

 

تقيم ايسر ايكونيا تاب A500

acer

الشكل

الـAcer Iconia Tab A500  تصميمه شيك، لكن حجمه بيقلل شوية من أناقته، لأنه مش رفيع؛ سمكه تقريبًا قد الـiPad  مرتين. زي أي tablet، الشاشة أهم حاجة فى الـAcer Iconia A500 ، وحجمها وجودة صورتها بيتيحوا لك أحسن استخدام للـAndroid Honeycomb. الـtablet  كله مصنع من الألومنيوم، باستثناء خطين رفيعين على الجنبين من ورا. السماعات واخدة مكان فى الظهر من تحت، وفيه كاميرا قدام وكاميرا ثانية ورا لكن built-in بشكل لطيف ومش مأثرين على شكل الـtablet  خالص.

الإمكانيات

البروسيسور فى الـAcer Iconia Tab A500  نوعه Nvidia Tegra 2 1GHz dual-core ، وده يعتبر بروسيسور قوى جدًا. الذاكرة الداخلية للـIconia Tab A500  حجمها 16GB بس، على عكس بعض الـtablets  الثانية اللى بتوصل فيهم الذاكرة الداخلية لـ 32GB، لكن ميزته إنه فيه فتحة USB، ودى حاجة مش موجودة حتى فى الـ iPad. كمان تقدر تزود الذاكرة عن طريق microSD card. حاجة كمان مريحة جدًا فى الـ Acer Iconia Tab A500 هى إن فيه زرار مخصوص بيقفل الـscreen -rotation، بدل ما تضطر تدخل على الـ menu عشان تختار الخاصية دى. نظام التشغيل الـ Android Honeycomb يفرق كثير عن الـ Android بتاع الـ smartphones. الـ interface بتاعه اتغير، أماكن الـ icons والاختيارات وطريقة الـ navigation اتغيرت، فيه ناس ممكن تشتكى إنه بقى معقد زيادة عن اللزوم. لكن كعادة الـ Android، التطبيقات كتير ومتنوعة جدًا، و النسخة الجديدة الممثلة فى الـ Honeycomb خلقت مساحة بين نظم تشغيل التليفونات ونظم التشغيل التقليدية بتاعة الـ desktop. الـ Iconia Tab A500 مزود بكاميرا 5MP، وكاميرا أمامية للـ video chatting والتصوير برضه، بتصور بجودة 2MP. طبعًا ده غير الـoptions  العادية  زى الـWi-Fi  والـ bluetooth والـ GPS وهكذا، وكمان فيه بوصلة رقمية عشان تساعدك أكثر على معرفة الطرق والاتجاهات.

الأداء

الـ Acer Iconia Tab A500 سريع جدًا؛ التطبيقات بتتحمل وتفتح بسهولة، وتصفح الإنترنت سلس ومافيهوش أى مشاكل. الكاميرا صورتها حلوة والـ LED flash بيديك إمكانيت تطلع صور حلوة بالليل. حتى الكاميرا اللى قدام رغم الـ megapixels القليلة، مناسبة جدًا للاستخدامات البسيطة زي الـ video chatting. فيه مشكلة فى تشغيل الفيديوهات الـ HD اللى حجمها بيزيد عن 10GB بتهنج فى النص، وده عشان حجم الذاكرة الداخلية صغير. الصوت بتاع السماعات كويس جدًا، والشاشة مريحة للعين وألوانها ناطقة ومناسبة جدًا للألعاب والفرجة على أفلام. عُمر البطارية حوالى 10 ساعات لو بتتصفح الإنترنت بس، و8 ساعات لو شغال فيديو playback متواصل.

مقارنة

 

Acer Iconia Tab A500

iPad 2

الوزن

680 جرام

601 جرام

الذاكرة الداخلية

16جيجا (فيه إمكانية إضافة microSD card )

16- 64 جيجا

السمك

13.3 ملم

8.8 ملم

البروسيسور

1GHz dual-core

Apple A5 1GHz dual-core

الكاميرا

5MP خلفية، 2MP أمامية

0.9MP خلفية، 0.3MP أمامية

عمر البطارية

10 ساعات

10 ساعات

دقة الشاشة

1280×800

1024×768

 الخلاصة

الـ Acer Iconia Tab A500 جهاز سريع وقوى ومريح وسهل الاستعمال ومغرى جدًا لأن سعره حلو وأرخص كثير من باقى الـ tablets المتاحة،  لكن عشان ينافس الـ iPad مثلاً محتاج يبقى أرفع وأخف من كده لأن من أهم مميزات الـ tablets سهولة التنقل بيهم. لو الحجم مش فارق أوي معاك، الـAcer Iconia Tab A500  هيكون مناسب جدًا ليك. 

 

التعليقات

تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق