hh
نصائح تقنية

كل حاجة محتاج تعرفها عن كابلات و وصلات الكمبيوتر

ليه محتاج انى اقرأ المقال ده ؟ start of the article

دلوقتي بعد ما عرفت كل حاجة عن الكابلات و وصلات تحويل الصوت و الفيديو, ده الوقت عشان تعرف أكتر عن كل الوصلات الموجوده في الابتوب أو في ضهر جهاز الكمبيوتر. أخيراَ حتعرف يعني إيه (USB, VGA, IDE) و يعني إيه كابل الإيثرنت. مش حتقف مش فاهم حاجة و إنت بتشتري كابلات جديده تاني و خصوصاً لما تلاقي نفسك قدام إختيارات كتير مش عارف إية الأحسن فيها و مش هتحتاج تجيب حد مخصوص و تدفعله فلوس علشاه يوصلك وصله صغيره جدا.

VGA

vga in article1

ده من أول الكابلات اللي اتعملت و بيكون موجود في كل أي لابتوب أو جهاز كمبيوتر و حتعرف شكلة من السنون الخمسة عشر الموجوده فية و إللي بتكون متقسمة لتلات صفوف في كل صف خمس سنون. دي الوصلة إللي بتستخدمها عشان توصل الجهاز بشاشة عرض أو بجهاز (monitor).

DVI

dvi in article2

ال VGA أكيد مهم لكن إستخداماتة بتنحصر علي الأجهزة التناظرية و بعد التطور إللي وصلتلة كل الأجهزة الديجيتال ظهر ال DVI و إللي مش بس بيوفر جوده أحسن و لكن كمان موجود منه أكتر من نوع. النوع الأول هو ال DVI-A و إللي بيشتغل بس مع الأجهزة التناظرية, و النوع التاني هو ال DVI-D و ده بيشغل الإشارات الديجيتال بس, في كمان ال DVI-I و ده بينقل إشارات الأجهزة التناظرية و الإشارات الديجيتال و ده أكيد حيوفر عليك مجهود كبير. أما بقي لو عندك وصلة VGA  و DVI و عايز توصلهم ببعض فإنت محتاج تشتري كابل تحويل DVI-VGA.

USB

usb in article3

غالباً ده النوع إللي إنت أصلاً لإنك دايماً بتستخدمه عشان توصل جهاز هارد خارجي أو توصل الموبايل بالابتوب. الUSB  بيستخدم عشان نقل أي معلومات أو ملفات و يمكن توصيلة بكل الأجهزة تقريباً. الUSB  متوفر بأحجام و سرعات مختلفة  يعني حتلاقي إن فية USB و ميني USB و مايكرو USB. الميني و المايكرو غالباً بيستخدم مع الأجهزة المحمولة و الموبايلات الزكية أما ال USB بيبقي موجود في الأجهزة إللي بتكون معظم الوقت متوصلة بالكهرباء.  أما بالنسبة للسرعة فا الUSB ال 1.0 و ال1.1 بيقدمولك سرعة تصل إلي 12 ميجابايت في الثانية, الUSB ال2.0 سرعتة 480 ميجابايت في الثانية و USB 3.0 بيحولك المعلومات بسرعة 4.8 جيجابايت في الثانية. و طبعاً مش محتاجين نعرفك إن كل ما الUSB أسرع كل ما كان أحسن, عشان كده حاول إن جهازك الجديد يكون بوصلة USB 3.0.

IDE

ide in article4

مش حتقدر تعرف إية هو شكل كابل الIDE  إلا لو كنت جربت تفتح اللابتوب أو ال CPU لو كنت بتستخدم جهاز كمبيوتر. الIDE غالباً بيستخدم لتوصيل الهارد و أجهزة كتير بلوحة تحكم جهاز الكمبيوتر  (Motherboard)لكن معظم الناس دلوقتي بتستخدم كابلات SATA.

SATA

sata in article5

بعد وقت قليل جداً  كابلات الSATA حلت محل كبلات الIDE لإنها موجوده في شكل أصغر, تصميم أرفع و بتوفر سرعة أكبر في نقل المعلومات و عشان كده معظم أجهزة الكمبيوتر دلوقتي بتتوصل بكابلات SATA. و في كمان كابلات eSATA و دي بتعمل نفس وظيفة الSATA و لكن بسرعة أكبر و ممكن تستخدمها مع أجهزة خارجية كمان.

Firewire

firewire in article6

مفيش فرق كبير بين الUSB و الFirewire إلا إنة أسرع و أحسن في الإستخدام مع الأجهزة الكبيرة زي الطابعة و السكانر. الFirewire بتيجي في نوعين الأول هو 1394a و دي بتنقل المعلومات بسرعة 400 ميجابايت في الثانية و 1394b و دي بتنقل المعلومات بسرعة 800 ميجابايت في الساعة.

كابلات الإيثرنت

ethernet cable in article7

وده آخر نوع للكابلات حنقدمهلكوا و إللي بيطلق علية إسم RJ45 و كلنا عارفينهم عشان هي دي كابلات الإنترنت إللي بتكون موجوده في البيوت و بنستخدمها عشان نوصل الكمبيوتر أو اللابتوب بالإنترنت عن طريق توصيلهم بالموديم و الراوتر.  و الكابلات دي موجوده بتلات أنواع و سرعات: كات5  (Cat5)و ده سرعتة 10 من 100 ميجابايت في الساعة, و الكات5إي     (Cat 5E)و دي فيها 1000 ميجابايت في الساعة , آخر نوع كات6 ميجابايت و إللي بتوفرلك 10 جبجابايت في الثانية.

دلوقتي احنا واثقين انك بقيت تقدر تفهم وتتحكم في كابلات الكمبيوتر بتاعك.

end of the article8

 

التعليقات

تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق