hh
تابلت

بلاك بيري بلاي بوك

 

المميزات: بيتمتع الـ Playbook بمواصفات تقنية جيدة، إمكانيات multitasking متطورة، وصلة HDMI، ومتصفح قوي.

العيوب: عدم دعم الجهاز لللغة العربية ( في المتصفح فقط)،عدم توفر نسبة كبيرة من الألعاب والتطبيقات الـ Android  اللي يقدر يشغلها، عدم وجود flash في الكاميرا.

الخلاصة: لو كنت من مستخدمي التليفونات الـ BlackBerry وعايز tablet يقوم بالمهام الأساسية زي تصفح الإنترنت وإرسال الـ emails وتشغيل الألعاب والأغاني والأفلام وغيرها، ومش مهتم بتزيل تطبيقات متعددة، إذن فالـ Playbook مناسب ليك. لكن لو عايز tablet قوي يقدر يغنيك عن الـ laptop، فالـ Playbook مش أفضل اختيار.

 

 

 

تقييم بلاك بيرى بلاى بوك  

bbbbbbbb

الشكل والتصميم

تصميم الـ BlackBerry Playbook مستطيلي بعرض 7.6 بوصة وطول 5.1 بوصة وبيختلف عن الـ tablets الأخرى ذات الشاشة 7 بوصة: فهو مافيهوش زراير ولا حتى capacitive touch buttons، بل الزراير الخاصة بالـ  multimedia فقط. وعلى الرغم من عدم وجود أي زراير في الإطار المحيط بالشاشة، إلا إن حجم الإطار نفسه كبير بعض الشئ مما يساعد على الإمساك بالـ tablet والتحكم فيه .

في الجهة الأمامية للـ Playbook، توجد الكاميرا الأمامية في المنتصف الـ tablet وعلى جانبيها السماعات، و في الجهة الخلفية توجد الكاميرا الخلفية بدقة بالإضافة لعلامة BlackBerry. وفي حين إن الجهة الخلفية متغطية بمادة المطاطية، إلا إنها مش بتدي الـ Playbook شكل رخيص، بالإضافة لإنها بتسهل عملية الإمساك بالجهاز وبتخليه غير قابل للخدش. وأكثر ما يأخذ على تصميم الـ Playbook هو زرار الـ power اللى في ناس كثير بتشتكى  من مكانه وحجمه عشان بيخلوا الضغط عليه صعب.

الإمكانيات

الـ BlackBerry Playbook مُجهز ببروسيسور 1GHz Dual-core TI OMAP443 و1GB RAM وده بيخليه مناسب للألعاب القوية والـmultitasking  وتصفح الإنترنت وغيرها من المهام. الـ Playbook مش بيوفر استخدام ذاكرة خارجية وبييجي بذاكرة داخلية 16GB أو 32GB أو64GB، ويختلف كل منهم في السعر على حسب حجم الذاكرة. الـPlaybook  مُجهز بكاميرا أمامية بدقة 3MP وخلفية بدقة 5MP، واللي مستوى جودتهم يعد نظريًا مساوي لباقى الـ tablets اللي في نفس الفئة، لكن يعيب الكاميرا إن مافيهاش flash.

الـ Playbook، كغيره من الـtablets ، مزود بـ Wi-Fi وBluetooth وGPS، لكنه مش بيدعم الـ 3G. ومن أكثر ما يميز الـ Playbook هي وصلة الـ HDMI اللي بتمكنك من توصيل الـ Playbook بشاشة الـ LCD الخاصة بيك، و الاستمتاع بتشغيل الألعاب والأفلام من الـ Playbook على تليفزيونك. وبيتميز أيضًا  بـ built-in speakers قوية بتديك صوت عالي، بالإضافة إلى بطارية 5300 mAh غير قابلة للتحريك.

الأداء

أثار نظام تشغيل الـ Playbook جدل واسع، فالنسخة الأولية من نظام التشغيل Playbook OS اللي أصدرت مع الجهاز كان ناقصها تطبيقات أساسية كثير زي الـ emails والـ calendar، وكانت بتعتمد بشكل كبير على توصيل الـ Playbook  بالتليفون الـ Blackberry بتاعك عشان تعرف تجيب التطبيقات دي باستخدام الـ BlackBerry Bridge. ده غير إن ماكانش في تطبيقات كثيرة متاحة للتحميل على الـPlaybook، لكن شركة RIM عالجت المشكلات دي ونزلت نسخة جديدة: الـ Playbook OS 2.0، واللي أضافت التطبيقات الناقصة زي الـ emails والـ calendar، ده غير إنها أضافت خاصية الـ video chatting اللي بيشتغل مع أجهزة الـPlaybook فقط. ده بالإضافه إلى أنه تم إضافة تطبيقات Android للـ App World لتحميلها على الـ Playbook. ومن عيوب نظام التشغيل الحالي، عدم توفر خدمة الـ BlackBerry الأكثر شهرة: الـ BBM. فلازم توصل تليفونك الـ BlackBerry بالـ Playbook عن طريق تطبيق الـ Bridge أولاً عشان تقدر تستطيع تستقبل و ترسل رسائل BBM على الـ Playbook بتاعك.

وبيتميز الـ Playbook بالـ multitasking المتطور، فممكن تشغل أكثر من تطبيق في وقت واحد والرجوع إلى أي منهم من غير ما تحتاج تفتحه من جديد، والخاصية دي مفيدة جدًا عند تصفح الإنترنت وخاصة بالنسبة لـ Youtube: فممكن تسيب الفيديو بيحمل، وتفتح أي تطبيق آخر والعودة بعدها للـ browser.

وعل صعيد آخر،على الرغم من قدرة كامرتين الجهاز على تصوير فيديو بدقة p1080، إلا إن جودة الصور والفديوهات مش مرضية. فبينما الكاميرا الأمامية ذات الـ 3MP واللي تعتبر أعلى من باقي الكاميرات الأمامية في الـ tablets الأخرى، إلا إن جودة الصور بتتأثر بشكل كبير بجودة الإضاءة، أما بالنسبة للكاميرا الخلفية ذات الـ 5MP، فهي أيضًا بتعتمد بشكل كبير على الإضاءة المحيطة عشان تطلع صور كويسة، وده بيرجع لعدم وجود flash في الكاميرا، ده غير إنها بتيجي بوضعية  الـ fixed focus واللي مش بيساعد على أخذ صورة جودتها عالية. 

بطارية الـ  Playbookقوية وممكن تعيش لحد 11 ساعة.  

مقارنة

 

Blackberry Playbook

iPad 2

الوزن

425 جرام

601 جرام

الذاكرة الداخلية

16- 64 جيجا

16- 64 جيجا

السمك

10 ملم

8.8 ملم

البروسيسور

1Ghz dual-core

Apple A5 1Ghz dual-core

الكاميرا

5MP خلفية، 3MP أمامية

0.9MP خلفية، 0.3MP أمامية

عمر البطارية

11 ساعة

10 ساعات

دقة الشاشة

1024×600

1024×768

 الخلاصة

لو كنت من مستخدمي التليفونات الـ BlackBerry وعايز tablet يقوم بالمهام الأساسية زي تصفح الإنترنت وإرسال الـ emails وتشغيل الألعاب والأغاني والأفلام وغيرها، ومش مهتم بتزيل تطبيقات متعددة، إذن فالـ Playbook مناسب ليك. لكن لو عايز tablet قوي يقدر يغنيك عن الـ laptop، فالـ Playbook مش أفضل اختيار.

 

التعليقات

تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق